Per tut las bancnotas na vala quella nova regla dentant betg. Vegnir barattadas pon mo las bancnotas davent da la sisavla seria ch'èn cumparidas davent dal 1976 e che daventassan atgnamain nunvalaivlas l'auter onn. Quai èn quellas bancnotas tar la quala la da 100 mussa il purtret da l’architect Francesco Borromini. Enconuschenta è quella cunzunt, perquai che las Viafiers federalas avevan duvrà quella per far reclama per la lantschada da l’abunament da mesa taxa.
Barat unicamain tar la BNS
Tenor la banca naziunala èn da quella seria anc bancnotas en la valita dad ina milliarda francs en circulaziun. Quellas na pon bain betg pli vegnir duvradas per far cumissiuns, tgi che porta ellas dentant al spurtegl da la Banca naziunala svizra survegn persuenter bancnotas novas.
RR novitads 17:00