Barbara Janom Steiner en cussegl da la BNS

Il cussegl federal ha elegì la cussegliera guvernativa dal Grischun Barbara Janom Steiner sco nova commembra en il cussegl da banca da la Banca Naziunala Svizra.

Barbara Janom Steiner Bild in Lightbox öffnen.

Legenda da maletgs: Barbara Janom Steiner cumenza ses nov uffizi il prim da matg 2015. RTR, A. Monn

Sco che la confederaziun svizra scriva, succeda Janom Steiner a la Tessinaisa Laura Sadis. Quella aveva demissiunà sin la fin da mars.

Cumpetenzas dal fatg necessarias

L’elecziun da Barbara Janom Steiner succeda sin basa da sia experientscha da lavur e da las cumpetenzas dal fatg. Sco scheffa dal departament da finanzas dal chantun Grischun e sin basa da sia furmaziun giuridica ed economica ha Janom Steiner las cumpetenzas dal fatg necessarias.

Cun l’elecziun da Barbara Janom Steiner vegni resguardà tant la represchentanza da la Svizra latina, sco er dad omaduas schlattainas. Ella cumenza ses uffizi il 1. da matg 2015.

RR novitads 18:00