Siglir tar il cuntegn
Inhalt

Svizra Barbara Schmid-Federer sa retira dal Cussegl naziunal

La politicra da la PCD dal chantun Turitg crititgescha la lingia burgais-conservativa che definescha actualmain la partida.

Barbara Schmid-Federer.
Legenda: Barbara Schmid-Federer dal chantun Turitg sa retira dal Cussegl naziunal. Keystone

La cussegliera naziunala cristian-democratica da Turitg Barbara Schmid-Federer ha annunzià da sa retrair. La politicra da 52 onns sa retira gia sin la sessiun da stad dal Cussegl naziunal. Ella scriva ch'ella veglia sa concentrar pli fitg sin ses engaschaments socials – en favur da persunas en miseria. Ella craja da pudair cuntanscher uschia dapli che cun restar en il Cussegl naziunal.

Critica envers il timun da la PCD

En in'intervista cun la gasetta «Tages-Anzeiger» crititgescha Schmid-Federer però er il curs actual da la PCD e dal president Gerhard Pfister. Il timun da la partida veglia surtut gudagnar enavos vuschs en ils territoris tradiziunals. Per quai scopo giaja la partida ina via burgais-conservativa e cun quella na possia ella betg s'identifitgar. Tenor Schmid-Federer pudess la PCD plitost gudagnar vuschs, sch'ella resguardass pli ferm l'ala social-liberala da la partida.

Barbara Schmid-Federer è dapi il 2007 per la PCD en il Cussegl naziunal.

RR novitads 06:00