Siglir tar il cuntegn

Header

cuntegn

Barometer conjunctural Optimissem per economia svizra

Ils experts per l'economia svizra èn puspè pli optimistics pertutgant la situaziun sin il martgà da lavur ch'anc la stad. Quai mussa il nov rapport dal post da conjunctura da l'ETH a Turitg.

Sin l'auter onn stiman las economas ed ils economs che la quota da dischoccupaziun en Svizra va enavos da radund 3 sin 2,8%. A lunga vista fan el schizunt quint cun ina quota da 2,7%. Uschia pudessan las consequenzas negativas da la pandemia sin il martgà da lavur esser main fermas che quai ch'ins aveva spetgà oriundamain, resumescha il KOF.

In zic pli pauc optimistics èn las expertas ed ils experts en vista a la creschientscha da l'economia. Per l'onn current fan els quint cun in augment dal product naziunal brut da 3,4%. Il zercladur eran quai anc 3,5%.

RTR novitads 11:00

Artitgels legids il pli savens

Scrollar a sanestra Scrollar a dretga