Siglir tar il cuntegn

Header

Osps sin ina terassa da ina ustaria.
Legenda: Il KOF spetga miglras perspectivas per il martgà da lavur svizzer. Keystone
cuntegn

Barometer d'occupaziun Meglras perspectivas per il martgà da lavur

Las perspectivas per il martgà da lavur svizzer èn sa meglieradas. Quai tenor il barometer d’occupaziun da l’Institut da perscrutaziun da la conjunctura KOF.

Anc il davos quartal da l’onn passà nudava l’indicatur 2,1 puncts. Ussa ès el tar 3,9 puncts. Quai sajan bunas novas per las persunas che tschertgian lavur, scriva il KOF. En emprima lingia en l’industria elavuranta, ella hotellaria sco era el commerzi a l’engrossa sajan las perspectivas da lavur sa meglieradas. Sut il stritg veglian quellas branschas dentant anc adina reducir cleramain il dumber d’emploiads, avertescha l’Institut da perscrutaziun.

L’indicatur d’occupaziun sa basa sin las retschertgas da conjunctura dal KOF. Las interpresas vegnan tranter auter dumandadas co ellas giuditgeschian il dumber actual da lur emploiads e sch’ellas vulan adattar lur dumber el decurs dals proxims trais mais.

Per tadlar curt e cumpact:

RTR novitads 12:00

Dapli da Svizraavrir la Landingpage

Nach links scrollen Nach rechts scrollen