Siglir tar il cuntegn

Svizra Barometer da consum mussa ensi

Quai demussa l'indicatur da consum da la banca UBS ch'è s'augmentà levet il matg cumpareglià cun il mais avant.

Persunas che fan cumissiuns.
Legenda: La luna da consumar dals Svizzers è creschida il matg 2016. Keystone

Il gust da consumar dals Svizzers e da las Svizras è s'augmentà levamain il matg. Quai mussa l'indicatur da consum da la banca UBS. Quel è creschì sin 1,35 puncts. L’avrigl ha l’index anc nudà tar 1,24 puncts.

Cifras d'occupaziun pli bassas

Percunter annunzia l'UBS che las cifras d'occupaziun èn stadas l'emprim quartal da quest onn pli bassas che spetgà. Quellas èn numnadamain sa reducidas per l'emprima giada dapi il 2010.

Consum privat sco pitga

In'influenza positiva sin l'emprim quartal dal 2016 ha dentant gì il consum privat. E quel vegnia era ad esser ina ferma pitga per il creschament da l'economia svizra ils proxims mais. Quai scrivan ils economs da la banca gronda UBS.

RR novitads 12:00