Siglir tar il cuntegn

Header

cuntegn

Barometer da quitads Pandemia anc adina il pli grond quità per Svizzers e Svizras

Tar la retschertga fatga da gfs.Berna en incumbensa da la Credit Suisse il fanadur e l'avust han 40% da las persunas dumandadas menziunà la pandemia, sco in da lur tschintg gronds quitads. La stad dal 2020 era quai anc ina maioritad da 51%. Bunamain tuttina bleras da las persunas dumandadas fan dentant quitads davart la midada dal clima e dal provediment per la vegliadetgna. Bler pli pitschna cun 14% è la cumpart da quellas e quels che vesan la dischoccupaziun sco problem.

Temas sco la midada dal clima e l'egualitad da dunna ed um èn tenor Cloé Jans da gfs.Berna fetg impurtants per giuvens e giuvnas. Il svilup giaja pervi da quai davent da temas classics da quità sco migraziun u dischoccupaziun vi tar il clima u egualitad.

Per il barometer da quitads 2021 ha gfs.Berna dumandà 1'722 persunas cun dretg da vuschar en l'entira Svizra.

audio
Per tadlar curt e cumpact
00:48 min, RTR Audio dals 25.11.2021.
laschar ir. Durada: 00:48 minutas.

RTR novitads 17:00

Artitgels legids il pli savens

Scrollar a sanestra Scrollar a dretga