Siglir tar il cuntegn

Header

cuntegn

Barometer da quitads Pandemia da corona occupa il pli ferm la populaziun

Svizras e Svizzers fatschenta actualmain cunzunt la sanadad. Quai mussa il nov barometer da quitads da la banca Credit Suisse.

Anc mai n'haja in tema occupà en uschè curt temp uschè fitg la glieud sco il coronavirus. La populaziun na saja betg mo inquietada da las consequenzas acutas da Covid-19 mabain er per las sfidas a lunga vista. Ins quinta anc en trais onns da sentir l'effect dal virus. Quai mussa quant vastas las consequenzas dal virus èn sin tut ils aspects da la vita.

Ins tema dischoccupaziun

Quatter da tschintg persunas quintan tranter auter che la dischoccupaziun creschia vinavant, e che las rentas pateschian. Mintga segund è persvadì ch'il provediment da vegliadetgna pateschia. Ins quinta er che la pandemia ha effects negativs sin il turissem.

Lavurar a chasa vegn resguardà positiv

Homeoffice vala sco radi da speranza. La digitalisaziun dal mund da lavur vegn per gronda part resentì sco positiv. Bunas notas survegnan il Cussegl federal, il parlament e l'administraziun dal stadi.

Barometer da quitads

Textbox aufklappenTextbox zuklappen

Per il barometer da quitads ha l'institut GFS a Berna dumandà 1'800 persunas cun dretg da vuschar. Dumandà è vegnì tranter fanadur ed avust.

Dapi 44 onns mesira la banca Credit Suisse en ina retschertga ils quitads da la populaziun en Svizra.

RTR novitads 09:00

Artitgels legids il pli savens

Scrollar a sanestra Scrollar a dretga