Tar la cumparegliaziun da citads svizras da l'organisaziun «Umverkehr», l'uniun Fussverkehr Schweiz e la Scol'auta per tecnica da Rapperswil ha Cuira survegnì las meglras notas en la categoria «cuntentientscha» da peduns. En autras categorias vegnan er onurads las citads da Aarau, Basilea, Bellinzona e Neuchâtel.
Anc bler potenzial en Svizra
En general mussa la cumparegliaziun da 16 citads dentant ch'i vegn anc mess memia pauc pais sin il traffic da pedunas e peduns. Far remedura pudess tenor la retschertga differentas mesiras ed ulteriuras statisticas.
In problem è per exempel ch'ils trottuars èn savens memia stretgs. Cunzunt tar vias principalas na vegn la norma svizra betg resguardada. Giavischà saja plinavant, sper dapli zonas d'inscunter e peduns, er reducziuns da tempo.
