Tenor Christoph Brutschin èsi da spetgar ch’il fond per cas gravants economics, che chantuns e Confederaziun han endrizzà en connex cun la pandemia, na tanscha betg.
Bain saja quel da principi ina buna chaussa, ma ins stoppia augmentar l'import da 400 milliuns francs sin ina milliarda. Quai ha ditg il president da la conferenza dals directurs chantunals per l'economia publica en la «Samstagsrundschau» da radio SRF. La summa da 400 milliuns saja vegnida calculada avant la segund'unda da corona.
L’idea oriunda era da sustegnair cun ils daners organisaturs d'events, biros da viadi ed autras branschas fitg pertutgadas. Cun in fond pli grond pudess ins era sustegnair hotels e restaurants, ha manegià Christoph Brutschin.