La Baselgia catolica perda adina dapli commembers. Sin in nov commember sortan 20 persunas. Questas cifras mussa la nova statistica da la Baselgia catolica. Tenor quella èn 25'000 persunas sortidas l’onn passà da la Baselgia catolica. L’onn avant eran quai 20'000 persunas.
I na sa chapeschia betg pli da battegiar uffants, declera l’institut pastoral-sociologic la statistica. Bun in terz dals uffants en famiglias catolicas na sajan betg battegiads. Tut en tut vivan en Svizra 2,9 milliuns persunas catolicas.
Ord l'Archiv:
Las 2,9 milliuns persunas catolicas en Svizra èn in record. Da l'autra vart èn las baselgias vidas ed adina damain persunas appartegnan ad ina da las duas baselgias chantunalas. Co va quai a prà?
audio
Record da catolics, ma tuttina baselgias vidas
ord Vita e cretta dals 17.02.2019.
laschar ir. Durada: 7 minutas 17 Secundas.
RTR novitads 16:00