Siglir tar il cuntegn

Header

cuntegn

Baselgia catolica e refurmada Anc mai uschè bleras sortidas

audio
Per tadlar: curt e cumpact
ord RTR Audio dals 28.10.2022.
laschar ir. Durada: 1 minuta 8 Secundas.

Il 2021 èn passa 60'000 persunas sortidas da la baselgia en Svizra. Quai è in record per omaduas baselgias grondas en Svizra. Da la baselgia catolica èn l'onn passà sortidas 34'182 persunas, communitgescha l'Institut svizzer da sociologia pastorala a Son Gagl. La fin da l'onn eran uschia anc radund 2,9 milliuns persunas en Svizra commembras da la baselgia catolica. Er la baselgia evangelica refurmada ha stuì nudar in nov record cun 28'540 sortidas, er en il Grischun ha ella registrà in record cun 970 sortidas. En tut la Svizra dumbra la baselgia evangelica refurmada uschia anc 1,9 milliuns commembers.

Differents motivs

Tenor l'Uffizi federal da statistica èn las posiziuns da la baselgia davart dumondas sco omosexualitad u las rolla da las dunnas il motiv principal per sortir. In terz da las persunas ch'èn sortidas da la baselgia catolica han numnà las posiziuns da las baselgias sco motiv. Tar la baselgia refurmada eran quai bundant 20%. La mancanza da cretta  saja il motiv il segund pli derasà. L'Institut svizzer da sociologia pastorala citescha er auters motivs sco ina mancanza da fidanza envers la baselgia u experientschas negativas cun spirituals u spiritualas sco er consideraziuns finanzialas.

Or da l'archiv

audio
Exista la Baselgia refurmada anc en 100 onns?
ord Vita e cretta dals 02.10.2022.
laschar ir. Durada: 57 minutas 46 Secundas.

RTR novitads 15:00

Artitgels legids il pli savens

Scrollar a sanestra Scrollar a dretga