Siglir tar il cuntegn

Header

cuntegn

Baselgia catolica Tantas extradas sco anc mai

Anc mai èn tantas persunas extradas da la Baselgia catolica sco l'onn passà. En Svizra han 31'772 persunas scrit la brev d'extrada, in quart dapli che l'onn 2018 nua ch'i ha dà 25'366 extradas. Quai mussan las pli novas cifras da l'Institut pastoralsociologic svizzer a Son Gagl.

Record en Basilea Citad

Las pli bleras extradas hai dà en il chantun Basilea Citad cun bunamain 49 extradas sin 1'000 commembers. Percunter hai dà bunamain naginas extrads en il chantun Genevra, Vallais, Neuchâtel e Vad. En il Grischun è la quota tar 10 sin 1'000 cartents, en cifras absolutas: 927 extradas en il Grischun.

Blers èn tranter 51 e 65 onns

En egl dat che blers commembers catolics tranter 51 e 65 onns volvan il dies a la Baselgia. La mesadad da quels ch'extreschan èn nubils, lura suondan persunas maridadas (35%), var 10% èn divorziadas. Umens bandunan la baslegia in zichel pli savens che dunnas.

Ina entrada sin 34 extradas

Il medem temp èn 885 persunas entradas en la Baselgia catolica.

Ord l'archiv

RTR novitads 12:00

Artitgels legids il pli savens

Scrollar a sanestra Scrollar a dretga