Avant 50 onns eran quasi 100% dals Svizzers u catolics u refurmads. Dapi lura perdan omaduas baselgias adina dapli commembers – ils refurmads anc pli svelt ch’ils catolics. Oz è anc mintga quart abitant refurmà, mintga terz è catolic. La baselgia catolica è uschia la pli gronda cuminanza religiusa en Svizra. Suenter suondan las persunas senza religiun.
Tenor l’ultima dumbraziun dal pievel n’han 28% nagina religiun. Qua datti ina gronda differenza tranter las citads e la champagna. En las citads da Turitg e Basilea furman las persunas senza religiun la pli gronda gruppa. A Basilea èn 50% senza confessiun. En ils chantun champesters e catolics dad Appenzell Dadens ed Uri èn quai be stgars 10%.
RTR novitads 17:00