Basilea - 3'500 fans demonstreschan davant il «Joggeli»

Davant il stadion dal FC Basilea «Sankt Jakobs-Park» han ier saira pliras milli persunas demonstrà cunter la direcziun dal club. La polizia ha lubì la demonstraziun. Tenor medias localas saja la demonstraziun stada paschaivla. Ils ultims dis hai adina puspè dà manifestaziuns da fans dal FCB. Ils protests sa drizzan cunter la direcziun dal club e plans da vender quel ad investiders da l’exteriur. Gia l’entschatta dal mais avevan radund 800 fans dal FC Basilea demonstrà cunter la direcziun dal club. Lura pervi da la suspensiun dal capitani Valentin Stocker.