Tochen questa saira pudessan las temperaturas anc crescher sin 36 grads, localmain schizunt 37 grads. Per damaun annunzia SRF Meteo temperaturas da passa 36 grads.
Dal record naziunal absolut da 41,5 grads èn quellas temperaturas dentant anc lunsch davent. Quai record en Svizra è vegnì mesirà ils 11 d'avust 2003 a Grono en il Mesauc, sco quai che SRF Meteo rapporta.
Unda da chalira
La Confederaziun aveva gia avertì la mesemna d'ina unda da chalira cun temperaturas fin 38 grads. Pertutgada è surtut la vart dal sid da las Alps, il Vallais central e la regiun da Genevra. Per tschertas persunas sappia la chalira esser ina ristga per la sanadad, aveva la Confederaziun communitgà.
Ord l'archiv
La noziun «dis da chaun» stat per la perioda sa stad tranter ils 23 da fanadur ed ils 23 d'avust.
