La Festa federala da jodel a Basilea è stritgada. Quella fiss stada dals 25 enfin ils 27 da zercladur. La situaziun da corona na saja displaschaivlamain betg sa calmada. Quai scriva il comité d’organisaziun en ina communicaziun.
150'000 visitadras e visitaders avess la festa spetgà. La 31avla Festa federala da jodel era planisada gia per il 2020. Da spustar l’occurrenza anc ina giada na saja betg pussibel. Perquai ha la proxima festa federala lieu en dus onns a Zug.
Ord l'archiv
Impressiuns dal di da jodlar Grischun 2019. Il di da jodlar 2021 è dal rest planisà per ils 17 d'october.