Tenor il servetsch da cumparegliaziun comparis.ch han ins pajà il terz quartal per in'ipoteca da 10 onns in tschains da 1,45%, 0,06 puncts da pertschient pli pauc ch'il segund quartal.
Dentant er ils tschains directivs per ipotecas da 5 onns ed 1 onn èn crudads en tschaler. Per in'ipoteca da 5 onns era il tschains sin 1,09%, per ina dad in onn sin 1,06%. Tenor comparis è quai in stan bass istoric.
Per ina midada dal trend stuess la Banca naziunala svizra far fin a sia politica da tschains negativs.
RR novitads 09:00