Siglir tar il cuntegn

Header

Navigaziun

Funs biologic da verdura.
Legenda: Keystone
cuntegn

Svizra Bassa: Funs biologics èn contaminads cun pesticids

En la Bassa èn 90% dal terren da manaschis biologics contaminads cun pesticids, quai mussa sin in studi da l'universitad da Neuchâtel sco la «NZZ am Sonntag» rapporta.

En tut èsi vegnì intercurì passa 700 funs da 62 manaschis purils sin restanzas da neonicotinoids: quels tissis ch'èn vegnids en la critica pervia da la muria dals avieuls.

Pliras substanzas èn entant scumandadas

La raschun per la contaminaziun sajan probabel il vent e l'aua che transporteschian ils pesticids d'auters funs sin il terren biologic. Bio Suisse, l'uniun tetgala dals producents da bio è sa mussa da consternada dal rapport. Ella pretenda ch'i vegnia limità pli fitg il diever da pesticids.

L'uffizi federal per agricultura e l'uniun purila han punctuà, che trais dals tschintg substanzas intercuridas en il studi sajan entant scumandadas.

RR novitads 08:00