Il chantun Appenzell Dadora restrenscha la cultivaziun da tirc per l'onn proxim – la raschun è in parasit. Il bau da tirc sa derasia, hai num en ina communicaziun. Quest bau possia far gronds donns ed ins possia cumbattar el cun ina strategia da cultura alternanta. Il bau tirc metta ses ovs en champs da tirc existents u da quels ch'ins ha gia fatg la racolta.
Perquai èsi scumandà l'onn proxim en l'entir Appenzell Dadora da cultivar tirc là nua ch'ins ha gia cultivà tirc quest onn. Er il chantun Son Gagl ha gia communitgà da restrenscher la cultivaziun da tirc.
