Il bau-glisch saja actualmain bain anc derasà relativ lunsch en Svizra. Però pateschan ils baus-glisch era dals pesticids, la polluziun cun glisch e dal fatg che lur abitadi vegn destruì pli e pli fitg, communitgescha la Pro Natura. Questa digren dal spazi da viver succedia enorm spert ed haja consequenzas per l'ambient ed ils carstgauns. La finala sajan 30'000 da 36'000 spezias d'animals en Svizra insects – quai munta 83% da las spezias en Svizra.
Auter che ses renum
Il bau-glisch viva bun 2 onns sco larva e sa nutrescha surtut da glimajas ch'el chatscha e mazza cun morsas e tissi. La stad dal terz onn fa'l poppa, nua ch'il bau sa sviluppa. Traglischar traglischan las femellas per attrair ils mastgels. E suenter radund 2 emnas moran ils baus-glisch, perquai ch'els na mangian betg sco baus creschids.
RR novitads 12:00
