Siglir tar il cuntegn

Header

cuntegn

Svizra BaZ: Suenter Somm vegn Rohr

Marcel Rohr (51) daventa il nov schefredactur da la Basler Zeitung. Quai rapporta l'agentura da novitads SDA citond la communicaziun da la Tamedia, la chasa editura e possessura da la Basler Zeitung BaZ.

Rohr succeda cun quai a l’editur e schefredactur actual Markus Somm che banduna sco annunzià il pli tard la fin da l’onn la BaZ en direcziun da Tamedia.

Marcel Rohr lavura dapi il 2005 per la Basler Zeitung. El haja cumenzà sco schef da sport e lura lavurà pli e pli sco responsabel per l’arranschament dals artitgels en la gasetta. Avant haja el lavurà 12 onns per il Blick ed il Sonntagsblick, tranter auter sco schef dal sport.

La tscherna dal nov schefredactur è vegnida spetgada cun grond interess cun quai che Markus Somm era ina figura provocanta a Basilea. Sia vischinanza a Christoph Blocher vegn taxada – ensemen cun las secretezzas cur che Blocher aveva cumprà la BaZ – sco raschun per la digren da la cifra dals abunents da la BaZ.

RR novitads 12:00

Artitgels legids il pli savens