Siglir tar il cuntegn

Header

cuntegn

Svizra Be Alpiq ed Axpo han problems economics

In studi fatg per incumbensa da la Confederaziun mussa che sulet ils gronds concerns d'energia han problems economics.

Quai relativescha la supposiziun che l'entira branscha saja vi da patir.

Davent dal 2011 han Axpo ed Alpiq scrit sperditas nettas ed il chapital ester è creschì da 24 sin 49 pertschient. Tut las autras interpresas d'electricitad han dentant nudà gudogns nets tranter il 2008 ed il 2016 cun excepziun dal 2013. Quai vala er per interpresas participadas als concerns gronds Axpo ed Alpiq.

Chantuns survegnan pli pauc

Las distribuziuns da gudogn als chantuns èn sa reducidas tranter il 2007 ed il 2016 per 40%. Sentì il pli fitg quella digren han ils chantuns da la Svizra centrala che possedan passa 10% dad Axpo ed Alpiq.

Las distribuziuns da gudogn a citads e vischnancas èn però stadas pli u main tuttina il 2007 sco il 2016. Ils onns 2009 fin 2015 han els survegnì in zic dapli daners.

Il studi ha er mussà ch'ils pajaments da tschains d'aua èn creschids per bunamain 40% tranter 2007 e 2016. Profità il pli fitg da quests pajaments han il chantun Vallais ed il chantun Grischun.

RR novitads 09:00

Artitgels legids il pli savens