Be daners bluts - Sistem da pajar da Coop funcziuna puspè

En la filialas da Coop pon clientas e clients puspè pajar cun carta u Twint. Tenor communicaziun dal detaglist funcziunan puspè tut las cartas da credit e da debit. Il disturbi da la rait saja vegnì schlià. Il motiv per il disturbi tecnic na saja dentant anc betg enconuschent. Il glindesdi eri en l’entira Svizra sulettamain pussaivel da pajar cun daner blut ubain cun la Postcard.