Svizra - Be reclamaziuns cunter emissiuns da la SSR
20 reclamaziuns ha l'Instanza independenta da recurs da radio e televisiun UBI survegnì l'onn passà. Sco l'onn avant sa drizzan tuttas cunter emissiuns da la SSR.
Da las 20 reclamaziuns ha la UBI dà raschun a dus recurs. En in cas aveva radio SRF rapportà ch'il concern d'ieli Weatherford bandunia la Svizra e fatg allusiun a l'iniziativa cunter l'immigraziun da massa da la PPS. Il segund cas crititgà è stà in'emissiun dal radio da la Svizra franzosa en connex cun la guerra burgaisa en la Siria.
