Il medi d'uffants, cellist e clown musical Beat Richner è mort. En la vegliadetgna da 71 onns saja el mort d'ina malsogna greva, communitgescha la fundaziun dals ospitals per uffants en Cambodscha.
Legenda:
Beat Richner, medi d'uffants, cellist e clown da musica «Beatocello» (qua il 2007) ch'ha fundà ils ospitals Kantha Bopha Kampuchea en la Cambodscha.
Keystone / archiv
2 / 8
Legenda:
1979:
Beat Richner en sia rolla sco clown da musica «Beatocello».
Keystone
3 / 8
Legenda:
1992:
Beat Richner survegn il premi da la fundaziun «Max Petitpierre» sco fundatur da l'ospital per uffants Kantha Bopha: (da san.) ambassadur Roger Baer, Beat Richner, cusseglier da stadi Riccardo Jagmetti.
Keystone / archiv
4 / 8
Legenda:
1994:
Beat Richner survegn il premi «Adele Duttweiler» per l'ospital en la Cambodscha: (da san.) Mario Bonorand, Beat Richner ed Ulrich K. Hochstrasser da la fundaziun.
Keystone
5 / 8
Legenda:
2001:
Beat Richner avant ses terz ospital avert en la Cambodscha (Siem Reap).
Keystone
6 / 8
Legenda:
2001:
Il medi d'uffants Beat Richner en discussiun cun medis indigens en l'ospital en la Cambodscha a Siem Reap.
Keystone
7 / 8
Legenda:
2003:
Beat Richner vegn elegì il «Svizzer da l'onn».
Keystone
8 / 8
Legenda:
2007:
Il retg da la Cambodscha Norodom Sihamoni (dretg) salida Beat Richner ensemen cun il primminister Hun Sen (entamez) tar la ceremonia d'avertura a Phnom Penh.
Keystone
Gia il mars 2017 era Beat Richner sa retratg da sia funcziun da manader dals tschintg ospitals per uffants en la Cambodscha – per raschuns da sanadad. El haja ina malsogna dal tscharvè che na saja betg curabla, aveva communitgà la fundaziun da lezzas uras.
Serrà la pratica al Zürichberg per bajegiar si las clinicas
Il 1992 aveva Beat Richner serrà sia pratica da medi al Zürichberg per bajegiar si ina clinica per uffants en la capitala cambodschana Phnom Penh. En l'ospital «Kantha Bopha» («flur oduranta») aveva Richner gia lavurà ils 1974 sco medi per la Crusch cotschna, aveva il 1975 però stuì bandunar il stadi suenter l'offensiva dals Khmers cotschens. Suenter la clinica a Phnom Penh ha Richner bajegià si ulteriuras 4 clinicas. En tut èn radund 15 milliuns uffants vegnids tractads en quests 5 ospitals – la pli gronda part da quests gratuit.
Status da clinicas universitaras
Oz han ils ospitals il status da clinicas universitaras e radund 2500 collavuraturas e collavuraturs. Ils medis indigens vegnan scolads e furmads en il rom d'ina collavuraziun strategica cun la l'ospital per uffants universitar a Turitg.
