Legenda:
Il comicher Beat Schlatter è en l’ospital.
Keystone
cuntegn
Svizra - Beat Schlatter blessà tar pitgada
L'actur e comicher Beat Schlatter è blessà grevamain. Quai communitgescha ses management. Capità è quest incident venderdi passà. Schlatter saja stà involvà en ina patangada a Meilen en il chantun Turitg, scrivan plirs portals online.
Senza avertiment haja in um talian da 41 onns stuschà Schlatter per terra e cumenzà a pitgar el.
Cun grevas blessuras vid il chau è Schlatter vegnì transportà en l'ospital. El na vegnia betg ad avair donns restants, ma per il mument vegnan tut sias represchentaziuns sistidas. La polizia turitgaisa ha confermà ch’i sa tractia tar l’unfrenda da Schlatter.
