Suenter 17 mais en praschun è la burgaisa dubla svizra-belarussa Natallia Hersche vegnida libra en il Belarus. Sco il president da la Confederaziun, Ignazio Cassis, scriva sin twitter han l'ambassadura svizra en il Belarus e ses frar beneventà ella. Ella turnia uss en Svizra. El saja cuntent che las stentas diplomaticas da la Svizra hajan valì la paina. Il Departament federal d'affars exteriurs haja lavurà passa in onn e mez vid ina schliaziun. Collavuraturs da l'ambassada a Minsk hajan visità Hersche 14 giadas en praschun.
Natallia Hersche era vegnida condemnada a dus onns e mez praschun, suenter ch’ella era sa participada ad ina demonstraziun paschaivla en il Belarus.
audio
Per tadlar: Las novitads da las 12:00
ord RTR Audio dals 18.02.2022.
laschar ir. Durada: 4 minutas 28 Secundas.