Siglir tar il cuntegn

Header

Persuna vi da tancar in auto.
Legenda: Il Cussegl federal leva augmentar il suppelment sin benzin e diesel per 15 raps. Keystone
cuntegn

Svizra Benzin duai custar 4 raps dapli

Ils projects per vias naziunalas e projects da traffic en l’aglomeraziun duain vegnir finanziads a lunga vista cun in nov fond, quai ha decis il Cussegl dals chantun. Latiers duain il supplement sin benzin e diesel vegnir augmentà per 4 raps per liter.

L’augment saja necessari perquai ch’ils custs da mantegnair la rait da vias naziunala creschian, argumentescha il Cussegl federal. Plinavant sa sbassan las entradas perquai ch’ils autos dovran damain carburant. Tenor la chombra pitschna duain ils automobilists vegnir schanegiads.

Oriundamain aveva il Cussegl federal proponì 15 raps per liter. En la consultaziun aveva quai però procurà per critica, uschia ch'il Cussegl federal ha per il prim proponì in augment da 6 raps. Il supplement era vegnì augmentà l'ultima giada il 1974.

Iniziaiva da la vatga da latg

La debatta davart la finanziaziun dal fond per vias es numnadamain stada bullada da l'iniziativa da la vatga da latg, davart la quala il pievel svizzer decida anc quest onn. Sut il stritg vul l’iniziativa che la Confederaziun impunda 1,5 milliardas francs l'onn per las vias.

La fatschenta va ussa enavos en il Cussegl naziunal.

RR novitads 14:00

Il NAF

Il mantegniment da las vias naziunalas duai vegnir reglà cun in fond. Davos quel sa zuppan differentas mesiras da finanziaziun: Il supplement sin petroli (2 milliardas), las entradas da la vignetta (320 milliuns) e da la taxa d'import d'autos (375 miliuns). Senza novas funtaunas d'entradas smanatscha a partir dal 2017 ina fora da finanziaziun.

Artitgels legids il pli savens

Scrollar a sanestra Scrollar a dretga