Siglir tar il cuntegn
Inhalt

Svizra Berlin fa canera pervia da canera d’aviuns

En la dispita tranter la Svizra e la Germania pervi da canera d'aviuns ha il minister da traffic tudestg Alexander Dobrindt ditg, ch'el sustegni ils pertutgads en il sid da la Germania.

Aviun che atterrescha sin plazza aviatica.
Legenda: Patratgs per nova ruta per aviuns a Turitg na chatta betg sustegn a Berlin. Keystone

El vegnia a s'engaschar per ils interess tudestgs e refusar plans che manassan ad anc dapli emissiuns da vart tudestga. Dobrindt n'è er betg d'accord cun la cunvegna actuala davart canera d'aviuns.

Svizra stoppia preschentar schliaziun

Ussa saja la Svizra en roda per chattar ina schliaziun co impedir dapli emissiuns en il sid da la Germania. Quellas schliaziuns stoppian vegnir confermadas en contracts. Quai ha Dobrindt ditg a chaschun d’in inscunter cun la glieud pertutgada da canera d’aviuns a Waldshut-Tiengen, en il sid da la Germania.

RR novitads 7:00