Siglir tar il cuntegn

Header

Demonstrantas e demonstrants cun in placat «Rentenalarm» a Berna.
Legenda: Tenor indicaziuns da l'Unia e da l'Uniun sindicala Svizra hajan radund 20'000 persunas demostrà a Berna. Keystone
cuntegn

Svizra Berna: 20'000 han demostrà per in'AVS ferma

Lavurants da l'entira Svizra han demonstrà a Berna cunter la reducziun da las rentas e per in'AVS ferma.

Cun questa demonstraziun vulan ils adherents da l'«Allianza per in'AVS ferma» dar in segn cler cunter las propostas da la cumissiun per segirezza sociala e sanadad dal Cussegl naziunal. Quella aveva proponì d'auzar automaticamain la vegliadetgna da renta sin 67 onns en il rom da la refurma da la prevenziun per la vegliadetgna. Quai per il cas che l'AVS avess d'avair difficultads finanzialas.

Demonstrà è però era vegnì cunter il dumping da pajais e regals fiscals. Il dumping da pajas saja tenor l'allianza ina consequenza d'ina politica monetara fallada. Ils regals fiscals derivian da la refurma da l'imposiziun da la taglia sin interpresas trais.

RR novitads 15:00

Artitgels legids il pli savens

Scrollar a sanestra Scrollar a dretga