Il Cussegl naziunal vul installar cameras tar mintga post per traversar il cunfin, uschia che la polizia possia survegliar il traffic. El ha perquai approvà ina moziun da la PCD.
Las cameras pussibiliteschian er d'identifitgar automaticamain vehichels suenter ils quals i vegn tschertgà.
Il cusseglier federal Ueli Maurer è dentant s'exprimì cunter la moziun. I na portia nagut da survegliar, sch'i na dettia nagina patruglia da polizia en la vischinanza che possia agir.
Ussa sto il Cussegl dals chantuns s'occupar cun la moziun.