En la citad da Berna cuntinuescha tuttina la coaliziun verd-cotschna. Ils delegads da la PS han decidì da cuntinuar cun il partenadi cun la glista libra verda e l'allianza verda. Persuenter desista la PS da sias pretensiuns areguard la successiun dal president da la citad Alexander Tschäppät.
Gist pervi da quai eran ils partenaris da la coaliziun vegnids malperina. Tuttas 3 partidas vulevan preschentar in candidat. Uss ha la PS acceptà quai, uschia che l'allianza da 24 onns po cuntinuar. Las elecziuns èn la fin november.
RR novitads 06:00
sda/hs
