En il chantun Berna tegnan las auas grondas vinavant sin il trot ils pumpiers, la polizia e la protecziun civila. La polizia chantunala haja er oz endamaun survegnì tozzels d'annunzias davart tschalers e vias innundadas e plantas derschidas.
En blers cas sajan auals ids sur las rivas, uschia la polizia. Il lai da Thun steva avant curt anc in centimeter sut la limita d'aua gronda da 558 meters. Sumeglianta saja la situaziun er tar il lai da Bienna. Il suenter-mezdi quintan ils meteorologs dentant che la plievgia tschessa puspè.
