Siglir tar il cuntegn
cuntegn

Svizra Berna: Demonstraziun cunter il WEF

Pliras tschient persunas han demonstrà a Berna cunter il forum mundial d'economia, malgrà che la demonstraziun n'era betg lubida.

Pliras tschient persunas èn idas sin via a Berna per demonstrar cunter il WEF.
Legenda: Pliras tschient persunas èn idas sin via a Berna per demonstrar cunter il WEF. Keystone

En il center da la citad da Berna han demonstrà pliras tschient persunas cunter il forum mundial d'economia WEF a Tavau. La demonstraziun n'è betg stada lubida.
Tenor l'agentura da novitads svizra n'hai però dà nagins incaps. Ils demonstrants sajan marschads tras la citad, hajan scandà parolas e laschà ir petardas.
La polizia ha controllà la demonstraziun, è però sa tegnida enavos. Be l'access a la plazza federala ha la polizia bloccà.
Organisà la demonstraziun avevan circuls autonoms da la sanestra.
Il WEF cumenza glindesdi proxim a Tavau.

RR novitads 16:00