En la citad da Berna han danovamain pliras 100 persunas demonstrà cunter las mesiras da corona. La demonstraziun n'è betg stada lubida. La polizia ha barricadà l'access a la citad veglia. Plinavant ha ella fatg attent demonstrantas e demonstrants ch'els stoppian quintar cun controllas ed arrestaziuns.
En tut ha la polizia tramess davent radund 50 persunas e controllà passa 30 ulteriuras sin il post da polizia. Gia las ultimas duas gievgias avevi dà demonstraziuns nunlubidas a Berna. Quella giada n'hai dentant betg da violenza.