Siglir tar il cuntegn

Header

cuntegn

Berna «Freiheitstrychler» refusan responsabladad per cravals

Suenter il craval dals 16 da settember davant la Chasa federala durant ina demonstraziuns da critichers da las mesiras da corona, han ils organisaturs refusà la responsabladad. Las persunas ch’hajan randalà na fetschian betg part dals «Freiheitstrychler», sco che la gruppaziun communitgescha.

Plinavant han ils organisaturs annunzià ulteriurs protests ed è explicitamain sa referids al cusseglier federal Ueli Maurer. Sia preschientscha ad in’occurrenza da la PPS en in shirt dals «Freiheitstrychler» mussia, ch’ina opposiziun paschaivla cunter las mesiras da corona nuschaivlas saja necessaria. Maurer percunter ha ditg envers «CH Media», ch’el haja be per casualitad purtà quest shirt. I na saja betg stà ina provocaziun.

RTR novitads 09:00

Artitgels legids il pli savens

Scrollar a sanestra Scrollar a dretga