Avant la debatta dals singuls puncts dal preventiv ha il Cussegl dals chantuns crititgà la chombra gronda. Motiv è ch'il Cussegl naziunal ha da tractar, a partir da damaun, quasi 100 propostas da minoritad, inoltradas dals commembers. Uschia ch’ins quinta che la debatta giaja ditg. La fatschenta vegn a fatschentar omadus cussegls durant l'entira sessiun.
Prioritad tar la furmaziun
Temas dispitaivels èn tranter auter la furmaziun ma era l’agricultura. Uschia ha il Cussegl dals chantuns decidì da metter a disposiziun 87 milliuns francs dapli per la furmaziun, prest 2/3 da quella summa duai la ETH survegnir. Da l'autra vart spargna il Cussegl dals chantuns tar l'agricultura. Uschia duai dar 18 milliuns francs pli pauc per sustegnair meglieraziuns e per sustegns per manaschis. Betg spargnar uschè fitg sco il Cussegl federal vul la chombra pitschna tar las organisaziun da famiglias.
Damaun cumenza il Cussegl naziunal la debatta davart il preventiv. Auter che tar la chombra pitschna vul lez spargnar en tut da quai da 700 milliuns francs.
RR novitads 10:00