A Berna è vegnida inoltrada oz l’iniziativa dubla per la biodiversitad e la cuntrada. Quella duai, tenor ils iniziants, franar la perdita da spezias, la destrucziun da la natira e la cuntrada sco era il boom da bajegiar ordaifer las zonas.
L’iniziativa dubla è vegnida lantschada la fin mars 2019 da Pro Natura, BirdLife Svizra, la Fundaziun per la protecziun da la cuntrada ed ulteriuras organisaziuns. Ensemen han ils iniziants rimnà passa 213’000 suttascripziuns.