En la regiun dal Lai da Thun èn duas vias chantunalas bloccadas il mument pervia da malaura. Suenter ferma plievgia la notg ha in aual inundà la via chantunala tranter Thun ed Interlaken.
Er la Seestrasse a Gunten è interruta pervi da la bler'aua. Plirs autos sajan vegnids donnegiads, ha ditg il cumandant dals pumpiers. L'aual saja puspè en ses letg, dentant sajan las vias anc plain glera e crappa.
Blessads n'haja dentant betg dà, sco la polizia chantunala ha confermà envers l'agentura da novitads Keystone-SDA.
