Svizra - Berna preferescha bilateralas a cunvegna da commerzi liber
Il Cussegl federal preferescha las bilateralas empe d'ina cunvegna da commerzi liber. Las cunvegnas bilateralas cuvrian meglier ils interess da la Svizra, è l'argument principal.
Ina cunvegna da commerzi liber fiss tenor il Cussegl federal in pass enavos. Cun las bilateralas possia la Svizra collavurar cun auters pajais sin divers secturs politics. La cunvegna pertutgia mo il commerzi liber.
Il parlament aveva ditg gea ad in postulat da Karin Keller-Sutter che vuleva incumbensar il Cussegl federal d'intercurir ils avantatgs e dischavantatgs d'ina cunvegna da commerzi liber.
