Ier suentermezdi è la polizia chantunala da Berna vegnida infurmada ch’in um è fugì ord ina instituziun psichiatrica. Quel saja schon stà enconuschent a la polizia. Ina patruglia haja lura chattà l'um en ina chasa a Berna. Là saja vegnì ad ina situaziun privlusa per la polizia ed els hajan sajettà. Malgrà mesiras da salvament saja l’um da 36 onns mort. Tenor l’infurmaziun haja l’um gì cun el ina arma da fieu.
La polizia chantunala da Turitg investighescha ils schabetgs da l’eveniment, quai sut la direcziun da la procura da la Planira Bernaisa .
RR novitads 06:00