Siglir tar il cuntegn

Header

cuntegn

Svizra Berna: um mora suenter ina dispita violenta

A Berna è in um mort suenter ina dispita violenta. Ils motivs per la dispita n'èn anc betg sclerids.

In um è la sonda damaun vegnì blessà grevamain tar ina dispita violenta. En il spital è el lura mort vid las blessuras. Ils motivs da la dispita n'èn anc betg clers.

A las quatter la damaun ha la polizia survegnì l'annunzia ch'i dettia ina persuna grevamain blessada al PostParc. La polizia ha stuì reanimar l'um ed l'ha purtà en l'ospital en in stadi critic.

Probablamain ina dispita tranter pliras persunas

Tenor emprimas retschertgas haja dà ina dispita violenta tranter pliras persunas. La polizia e la procura publica investigheschan.

L'identificaziun formala da la persuna manca anc. I dat dentant indizis per sia identitad.

RR novitads 15:00

Artitgels legids il pli savens