Siglir tar il cuntegn

Svizra Bernard Maissen daventa vicedirectur dal Bakom

Il Grischun da 57 onns surpiglia l'entschatta matg la partiziun medias.

Bernard Maissen
Legenda: Bernard Maissen ha chattà suenter il temp sco schefredactur da la SDA ina nova sfida tar il Bakom. Keystone

Quella è tranter auter responsabla per la repartiziun da las taxas da radio e televisiun e la controlla da las concessiuns da radios e televisiuns en Svizra.

Bernard Maissen n’è nagin nunenconuschent en la scena da medias. Cumenzà sia carriera schurnalistica ha el il 1987 tar la «Bündner Zeitung». Suenter plirs onns tar l’agentura da novitads SDA, nua ch’el era, tranter auter, correspundent per il Grischun e pli tard schef da la redacziun tudestga, ha el midà il 2003 sco schefredactur tar il Radio Rumantsch. Dus onns pli tard è el turnà tar la SDA, e quai sco schefredactur e commember da la direcziun. La fin da l’onn passà ha el bandunà l’interpresa.

RR novitads 16:00