Siglir tar il cuntegn
Inhalt

Svizra Berset conferma lingias cotschnas en dossier UE

Las lingias cotschnas definidas en il dossier da l'UE sajan vinavant valaivlas, quai ha ditg il president da la confederaziun, Alain Berset, en il radio SRF.

Alain Berset,  president da la confederaziun.
Legenda: Alain Berset cuntradi uschia al minister da l'exteriur Ignazio Cassis, che ha mess en dumonda che las mesiras flancantas sajan tabu. Keystone
  • Il president da la confederaziun Alain Berset relativescha la prontadad da discutar areguard las mesiras flancadas.
  • Las lingias cotschnas definidas avant onns en il dossier da l'UE sajan vinavant valaivlas.
  • En spezial era il termin dad 8 dis per ina annunzia da mastergnants da l'UE vegnia retegnì, uschia Berset. Stan oz.

Alain Berset cuntradi uschia al minister da l'exteriur Ignazio Cassis, che ha mess en discussiun avant duas emnas l'instrument per proteger ils lavurers da dumping da paja ch'è definì dal Cussegl federal sco lingia cotschna. Berset ha ditg ch'il Cussegl federal haja definì avant onns las lingias cotschnas e questas hajan els confermà l'entschatta da l'onn. El n'ha dentant betg sclaus, ch'i pudessia dar adattaziuns en singuls puncts.

RR novitads 15:00