Legenda:
Tenor il Cusseglier federal saja la convivenza paschaivla in pensum collectiv permanent.
Keystone
cuntegn
Svizra - Berset è preoccupà da l’agressivitad cunter Muslims e Gidieus
Il Cussegl federal fa quitads pervi da l’agressivitad creschenta cunter Muslims e Gidieus en l'Europa. El partia il quità da las cuminanzas religiusas, ha ditg il minister da l'intern Alain Berset ad in inscunter cun il Cussegl da las religiuns a Berna.
En la Svizra culturalmain eterogena saja la convivenza paschaivla in pensum collectiv permanent. La solidaritad na sa chapeschia betg da sez. La solidaritad funcziunia dentant bain en Svizra perquai ch'ils carstgauns e bleras instituziuns attribueschian bler a la pasch sociala, culturala e religiusa, uschia Berset.
