Cusseglier federal e minister da sanadad Alain Berset è peroccuppà, perquai che 20% da las persunas sur 80 onns n'èn betg vaccinadas. Er tranter las ulteriuras gruppas da persunas vulnerablas na veglian anc memia blers betg sa laschar vaccinar, ha ditg Berset envers la «Neue Zürcher Zeitung.»
En las chasas da tgira saja il problem gravants. I paria ch'ina gronda part dal persunal – era quel da la Spitex – na veglia betg sa laschar vaccinar, uschia Alain Berset. Ils gestiunaris e las gestiunarias, ils chantuns e las vischnancas stoppian prender mesiras, perquai che ina nova unda en las chasas da tgira stoppia vegnir evitada per tut pretsch.