Siglir tar il cuntegn
In ov che vegn fructifitgà.
Legenda: maletg simbolic: Il Cussegl federal vul lubir la diagnostica da preimplantaziun. Keystone

Svizra Berset fa reclama per la diagnostica da preimplantaziun

A Berna ha il minister da sanadad Alain Berset avert il cumbat da votaziun per lubir la diagnostica da preimplantaziun. Berset ha fatg reclama per questa fatschenta, schegea ch'il Cussegl federal avess giavischà ina liberalisaziun main extendida.

Examinar embrios fructifitgads a moda artifiziala avant che quels vegnan emplantads, è oz da principi scumandà. Il scumond duai vegnir abolì cun ina midada da la lescha ch’il parlament ha decidì. En in emprim pass sto la Constituziun vegnir adattada, e davart quai vuscha il suveran svizzer ils 14 da zercladur.

Oz dastgan ins mo sviluppar tants embrios ordaifer il corp da la mamma, sco i è pussaivel d’implantar directamain en la madra.

Tenor il nov text da la Constituziun duai esser pussaivel da sviluppar tants embrios, sco i basegna per la reproducziun medicinala.

Artitgels legids il pli savens