Svizra - Berset pretenda infurmaziuns segiras davart il clima
Il Cusseglier federal Alain Berset ha avert il congress da l'Organisaziun mundiala per la meteorologia a Genevra. En ses pled ha el punctuà l'impurtanza d'infurmaziuns fidadas per la situaziun dal clima.
Plinavant è Berset entrà en la rolla da l’organisaziun mundiala quai che pertutga surmuntar las sfidas globalas.
Il congress per meteorologia che dumbra 180 stadis commembers è mintga 4 onns. El fixescha tranter auter programs internaziunals meteorologics e climatologics.
