Siglir tar il cuntegn

Header

cuntegn

Svizra Betg auzar automaticamain la vegliadetgna da pensiun

Il Cussegl naziunal gioga ses ultim trumf. Uschia è el pront da renunziar da l'augment automatic da la vegliadetgna da pensiun e da scursanir las rentas da vaivas. Uss spetga el ch'il Cussegl dals chantuns fetschia medemamain in cumpromiss.

audio
Prevenziun da vegliadetgna – la cumissiun gioga ultim trumf
ord Actualitad dals 09.03.2017.
laschar ir. Durada: 49 Secundas.

A prima vista para quai dad esser ina soluziun, da set da nov differenzas tranter las duas chombras parlamentaras han ils represchentants da la PPS, PLD e PVL chattà ina soluziun.

Uschia renunzia il Cussegl naziunal dad in mecanissem automatic ch’avess auzà la vegliadetgna da pensiun sin 67 onns cura che l'AVS ha miserias da daners. Avant il pievel avess ina tala pretensiun probabel gì nagina schanza.

Era renunzia il Cussegl federal da stritgar las rentas da vaivas. Las mesiras previsas avessan purtà marcants respargns ma avessan il medem mument era periclità la fatschenta tar ina votaziun dal pievel.

Senza cumpromiss tar l’augment da l’AVS

In dals puncts da dispita centrals è l’augment la la renta da 70 francs ch’il Cussegl dals chantuns vul. Il Cussegl naziunal resta en quest punct stricts e vul schliar las cumpensaziuns per pensiuns pli bassas cun augmentar las contribuziuns.

Anc ina giada tracta il Cussegl naziunal la fatschenta

L’entschatta da l’emna proxima tracta il Cussegl naziunal anc l’ultima giada la fatschenta. Alura vegn probabel la conferenza d’intermediaziun a stuair decider.

Il pievel decida probabel ils 24 da settember a l'urna.

RR novitads 20:00

Artitgels legids il pli savens